Նոյեմբերի
29-ին Հ.Թումանյանի անվան տիկնիկային թատրոնի բեմում էր հայտնի դերասան Վարդան
Պետրոսյանի որդին` Հայկ Պետրոսյանը` իր <ՀԱԿԱՍԹՐԵՍ > մոնո-ներկայացմամբ: Հայկի
հետ բեմում էին նաեւ նրա երաժիշտ ընկերները` Հովհաննեսը, Հովսեփն ու Սասունը: Չնայած,
որ Հայկը, հասցրել էր եւ փորձ, եւ ճանաչում ձեռք բերել դեռ <Հայ-սուպերսթար>
նախագծի շրջանակներում, այնուամենայնիվ նա անհանգստանում էր բեմ դուրս գալուց առաջ
ու ինչպես հետո նշեց. <Սիրտն ուղղակի կանգնում էր> :
Սա կարելի է ասել` Հայկի առաջին լուրջ քայլերն
են թատերական արվեստում: Թե սցենարը, եւ թե բեմադրությունը պատկանում է երիտասարդ
դերասանին: Նա գտնում է, որ մոնո ներկայացում խաղալը ավելի հեշտ է, որովհետեւ այդ
դեպքում դերասանը ստիպված չի լինում
կերտել Օթելլո կամ Համլետ, այլ ընդամենը հենց բեմից զրուցում է իր հանդիսատեսի հետ
ու խոսում հենց իր անունից: Միայն թե պետք է համոզված լինի, որ ասելիք ունի ու այն
իրականում հետաքրքրում է հասարակությանը:
-Երկու ժամ տեւողություն ունեցող ներկայացումը հոգնեցնող չէր, ընդհակառակը ` նոր
շունչ ու էներգիա տվեց մեզ, սա իսկական առիթ էր եւս մեկ անգամ նայելու շուրջդ ու
տեսնելու այն ամենը, ինչը շատ հաճախ ուղղակի անտեսում ենք , -ասաց ներկաներից
մեկը: Ներկայացմանը անկասկած ներկա էր նաեւ Հայկի հայրը` Վարդան Պետրոսյանը, ով
մեզ հետ զրույցում նշեց, որ Հայկը դեռ նոր-նոր է մտնում այս ասպարեզ, նրան երկար
ճանապարհ է սպասվում ու դեռ շատ դժվարություններ պետք է հաղթարարի: < Երբ Հայկը
առաջին անգամ խաղացել է իր ներկայացումը <Ուլիխանյան> ակումբում, ես
Հայաստանում չէի` Լոս Անջելոսում էի, ու հեռախոսազրույցի ժամանակ նրան ասացի` Շատ
ավելի լավ, որ ես կողքիդ չեմ, երբ ներկայացումից հետո զգաս քո առաջին հաղթանակը`
կհասկանաս, որ դու դրան ինքդ ես հասել, առանց որեւէ մեկի օգության>: Ներկայացումից հետո Հայկը խոստովանեց, որ շատ
զարմացած է ու չէր սպասում նման ընդունելության ու ավելացրեց. <Աստված տա վաղը`
Նոյեմբերի 30-ին էլ հաղթանակով թուրը
դնենք պատյանը ու արդեն սկսենք նորացնել, թարմացնել մեր ներկայացումը, որպեսզի
պատրաստվենք դեկտեմբեր ամսվա մեր հաջորդ ելույթներին>: