Հայաստանում Ռեգի ոճը դեռ
այդքան էլ տարածված չէ: Բայց կան շատ երիտասարդ խմբեր, որոնք իրենց առաջին
քայլերն են անում ռեգի ոճում : Դրանցից մեկն էլ <EXODUS>
խումբն է, որը արդեն
երրորդ անգամ Ուլիխանյան ակումբում հավաքում է տարբեր տարիքի մարդկանց,
ովքեր այս
ոճի սիրահարներ են:
5 հոգուց բաղկացած այս խումբը շուտով կտոնի իր ստեղծման մի
տարին: Խմբի անդամներից Հակոբն ասում է, որ իրենք ամեն ինչ սկսել են 0-ից ու այս
մի տարվա ընթացքում շատ բանի են հասել: <Սկզբում ոչ պրոֆեսիոնալ երաժիշտներով սկսեցինք
աշխատել, բայց հետո մեզ միացան երաժշտության
ասպարեղում ավելի փորձառու մասնագետներ: Մենք ունենք մեկ ձայնագրած երգ եւ 16
սեփական երգ, անում ենք նաեւ քավըր երգեր>: Խմբի տղաները այժմ զբաղված են ստեղծագործական
աշխատանքով: Նրանց համար հիմա ավելի կարեւոր է լավ, ճաշակով եւ պրոֆեսիոնալ երգեր
ստեղծելը: Իսկ ինչ վերաբերվում է տեսահոլովակին նրանք մտածում են, որ դեռ շուտ է
այդ մասին խոսելը: Նորաստեղծ խմբին օգնում է <Ժպիտ> ակումբը: Նրանց
տրամադրում է փորձատեղ, որտեղ էլ տղաները պարապում են, գրում երգեր, պատրաստվում
համերգներին: <Այսօրվա համերգի ընթացքում բացի սեփական երգերից կհնչեն
նաեւ Բոբ Մառլիի երգերը: Այդ հարցում մեզ
կօգնի Դ խմբի Սրբուհին>, - նշեց Հակոբը: Եւ վերջում ավելացրեց <Ռեգին սիրում
են տարբեր տարիքի մարդիկ, որովհետեւ այն գրավիչ է, հաճելի ու կլանող: Հուսով եմ
շատ շուտով այս ուղղությունը նույնպես կտարածվի հայաստանում եվ կսիրվի>:
